Привилей

1568 г., 12 февраля, Кнышин. Привилей Короля Польского и Великого князя Литовского Жигимонта Августа князю Юрию Юрьевичу Слуцкому на основание местечка Ленин

ПРЫВИЛЕЙ ТОМУ Ж КНЯЗЮ ЮРЬЮ СЛУЦКОМУ НА ЗАЛОЖЕНЬЕ МЕСТЕЧКА В ЛЕНИНЕ

Жыгимонт Август

Ознаймуем сим листом нашым нинешним и напотом будучым, кому будеть потреба того ведати.

Бил нам чолом к. Юрьи Юрьевич Слуцкий, абыхмо дозволили е. м. на грунте именья его Петрыковского на врочыщу у Ленине местечко, заложывшы, людьми осажовати и фундовати и торги установити, также и корчмы там мети. ЭА то дей местом, корчмам и пожытком нашым на жадной переказе не будеть.

А так мы з ласки нашое господарское на прозбу е. м. то вчынили, то есмо е. м. дозволили и сим листом нашым дозволяем (л. 260).

Маеть к. Слуцкий на том грунте именья своего Петрыковского на врочыщу, у Леленене лежачого, местечко людьми своими и прихожыми вольными осадити и в нем торг мети каждое недели в тот день, которое е. м. похочеть. И в том местечку вольно ему будеть корчмы вольные зот вшеляким шынком и речми стравными допустити подданым своим держати; также купецст- во и гандлев с товары их ужывати.

Которое ж вольности и вшеляких пожытков к. Слуцкий сам е. м., малжонка, дети, потомки и по них будучые щадки их с оного местечка своего за сим листом нашым вживати мають вечне потому, яко и иные князи, Панове того паньства нашого Великого князства Литовского таковых вольностей з ласки нашое господарское ужывають.

И на то есмо е. м., дали сесь наш лист, до которого на твердость тое речы и печать нашу прыложыти казали.

Писан у Кнышине.

Лёта Божого нароженя 1568, месяца февраля, 12 дня.

Подпис руки господарское.

РДАСА, ф. 389, воп. 1; адз. з. 166, л. 260—260 адв.